İvanovka kəndində Liturgiya və humanitar-maarifləndirici aksiya keçirilib

İsmayıllı rayonu İvanovka kəndinin pravoslav sakinləri üçün Bakı yeparxiyasının katibi arximandrit Aleksinin (Nikonorovun) başçılığı ilə İlahi Liturgiya keçirilib. Liturgiyada iştirak etmək üçün 40-a yaxın insan toplaşmışdır. İlahilər kafedral kilsəsinin Mixail Klimovun rəhbərlik etdiyi kvarteti tərəfindən ifa edildi. İbadət zamanı CBC telekanalının “Tolerantlığın çalarları” silsiləsindən növbəti verilişin çəkilişləri aparılıb.

Daha sonra kənd mədəniyyət evində İvanovkanın Heydər Əliyev adına məktəbinin uşaq və müəllimlərinin iştirakı ilə “Uşağı məktəbə hazırla” humanitar-maarifləndirici aksiya keçirildi. Məktəbin şagird və müəllimləri yeni tədris ilin başlanmasına həsr edilmiş konsert proqramı ilə çıxış etdilər. Aksiya çərçivəsində 25 birinci sinif şagirdi VTB-Azərbaycan Bankının dəstəyi ilə Rossotrudniçestvo Nümayəndəliyi (Bakıdakı Rus Evi) tərəfindən hazırlanmış məktəb ləvazimatları ilə dolu çantalar hədiyyə olaraq alıb.

Tədbir iştirakçılarını H. Əliyev adına İvanovka orta məktəbinin direktoru Əfqan Soltanov, Rossotrudniçestvo-nun Azərbaycan nümayəndəliyinin rəhbəri İrek Zinnurov və Bakı yeparxiyasının katibi Arximandrit Aleksiy salamlayıblar.