Bakıdakı “Rus Evi”ndə “Uşaqların məktəbə hazırlaşmasına kömək et” adlı aksiya keçirilib

Bakıdakı Rus Evində "Uşaqların məktəbə hazırlaşmasına kömək et" xeyriyyə aksiyası çərçivəsində bu il birinci sinif şagirdləri olacaq paytaxt kilsələrindəki uşaq bazar günü məktəblərinin şagirdləri və Rus Evində hazırlıq kurslarının məzunları ilə növbəti görüş keçirilib. Bakıdakı Rus Evinin rəhbəri İrek Zinnurov, VTB Azərbaycan Bankının pərakəndə biznesin inkişafı departamentinin direktoru Yevgeni Borodin, Yeparxiyanın ictimai təşkilatlarla qarşılıqlı əlaqədər üzrə şöbəsinin rəhbəri protoiyerey Mefodiy Əfəndiyev, Rusiya Federasiyasının Azərbaycandakı səfirliyinin əməkdaşı Pavel Kuznetsov tədbirin gənc iştirakçılarını salamlayıb, onları yeni tədris ilinin başlanması münasibətilə təbrik ediblər.

Sonra təntənəli şəraitdə gələcək birinci sinif şagirdlərinə məktəb ləvazimatları dəstləri olan portfellər paylanılıb.

“Uşaqların məktəbə hazırlaşmasına kömək et” layihəsi bu il birinci sinfə gedəcək uşaqların dəstəklənməsinə və yaradıcı inkişafına yönəlib və Bakı və Azərbaycan Yeparxiyası, Azərbaycanın Rus İcması, Rusdilli Təhsil Müəssisələrinin Müəllimləri Assosiasiyası, “Yaşlek” Tatar Gənclər Mərkəzinin dəstəyi ilə Rus Evi və Bank VTB (Azərbaycan) tərəfindən həyata keçirilir.