Həlak olmuş dənizçilər üçün dualar edilib

Bakı şəhəri Ali-Mələk Mikayıl kilsəsinin baş keşişi, protoiyerey Mefodiy Əfəndiyev 1857-ci il sentyabrın 14-də «Kuba» adlı gəminin qəzaya uğraması zamanı həlak olmuş dənizçilərin dəfn olunduğu yeri ziyarət edib. «Donanma kilsəsi» kimi tanınan Ali-Mələk Mikayıl kilsəsinin baş keşişi 4 zabit və 18 aşağı rütbəli dənizçilərin məzarı önünə gül dəstələri qoyub və Xəzər dənizində həlak olmuş dənizçilər üçün mərhumlar duası oxuyub. 

"Kuba" gəmisi görkəmli hidroqraf və dənizçilik tarixçisi komandir leytenant N.A. İvaşintsovun sərəncamında olan ekspedisiya gəmisi idi. Ekspedisiyanın əsas vəzifəsi müfəssəl və dəqiq xəritə və naviqasiya istiqamətlərinin tərtib edilməsi məqsədilə Xəzər dənizinin hərtərəfli və dolğun təsviri idi.Sentyabrın 11-də gəmi Həştərxandan Bakı istiqamətində yola düşdü. Sentyabrın 14-də axşam saatlarında başlanan fırtına zamanı gəmi sualtı qayaları ilə toqquşub və Şuvəlan kəndi yaxınlığında batıb. Qəzanın baş verdiyi yerin yaxınlığındakı burunda kiçik və sadə bir abidə ucaldıldı. Həmin abidə 30 ildən sonra dəniz fənərləri və losiyalar üzrə direktorun köməkçisi, “Lotsman” hərbi gəminin komandiri, 2-ci dərəcəli kapitan P.Orlovun təşəbbüsü ilə yenisi ilə dəyişdirildi. Yeni abidənin tikintisi üçün vəsaitin toplanması Xəzər dənizinin dəniz fənərləri və losiyalar üzrə direktoru, Bakı limanının komandiri kontr-admiral knyaz Leonid Alekseyeviç Uxtomskinin razılığı ilə dənizçilər və onların ailələri arasında aparılmışdır. Məlumdur ki, obeliskin layihəsini təmənnasız olaraq memar V.Edel tərtib edib, abidənin tikintisində isə usta Serebryakov çalışıb.

90-cı illərin əvvəlində xeyli yararsız vəziyyətə düşmüş abidə 2005-ci ildə Böyük Vətən Müharibəsində Qələbə Gününün 60 illik yubileyinin qeyd olunması ərəfəsində Azərbaycan Respublikasının Prezidenti cənab İlham Əliyevin sərəncamı ilə bərpa edildi.

Xəbər hazırlanarkən www.ourbaku.com saytında yerləşdirilən materialdan istifadə olunub