Bakıda “İtkin düşmüş şəxslərin taleyinin aydınlaşdırılması üçün milli və beynəlxalq səylərin artırılması” mövzusunda beynəlxalq konfrans keçirilib

Bakıda “İtkin düşmüş şəxslərin taleyinin aydınlaşdırılması üçün milli və beynəlxalq səylərin artırılması” mövzusunda beynəlxalq konfrans keçirilib. Tədbir Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası, Xarici İşlər Nazirliyi və Beynəlxalq Qızıl Xaç Komitəsinin Azərbaycandakı nümayəndəliyinin birgə təşkilatçılığı ilə keçirilib.

Konfransın əvvəlində tədbir iştirakçıları üçün itkin düşmüş şəxslərin ailə və yaxınlarının problemlərindən bəhs edən qısametrajlı film nümayiş etdirilib. Konfransın plenar hissəni Dövlət Təhlükəsizliyi Xidmətinin rəisi, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri Əli Nağıyev çıxışı ilə açıldı. DTX-nin rəisi Ə. Nağıyev Azərbaycan Respublikasının Prezidenti İlham Əliyevin konfrans iştirakçılarına müraciətini oxudu. Tədbir iştirakçılarını Xorvatiyanın keçmiş prezidenti Stepan Mesiç, Qırğızıstanın keçmiş baş naziri Cmart Otorbayev, Moldovanın keçmiş baş naziri Kirill Qaburiçi, Rumıniyanın keçmiş ədliyyə naziri və baş nazirinin müavini Ana Birhal, Küveyt xarici işlər nazirinin əsir və itkin düşmüşlərlə iş üzrə köməkçisi səfir Rabia Saad al-Adsani və digər rəsmilər də salamlaryıblar. Konfransın açılışında və işində Azərbaycanın dövlət qurumlarının nümayəndələri, ölkədə akkreditə olunmuş diplomatik nümayəndəliklərinin rəhbərləri və əməkdaşları, Azərbaycanın ənənəvi dini icmalarının rəhbərləri və nümayəndələri, Türkiyə, Xorvatiya, İsveçrə, Bosniya və Herseqovina, Serbiya, Xorvatiya, Çili, ABŞ, Böyük Britaniya və digər ölkələrdən gələn aidiyyəti mütəxəssislər iştirak ediblər.

Bakı yeparxiyasını beynəlxalq konfransın işində yeparxiyanın ictimai təşkilatlarla qarşılıqlı əlaqələr şöbəsinin rəhbəri, protoiyerey Mefodiy Əfəndiyev təmsil edib.