Azərbaycan İlahiyyat İnstitutunda “Müasir çağırışlar: birgəy­aşayışın Azərbaycan nümunəsi” adlı konfr­ans keçirilib

Azərbaycan İlahiyyat İnstitutunda Azərbaycan Respublikası Dini Qurumlarla İş üzrə Dövlət Komitəsinin təşkilatçılığı ilə “Müasir çağırışlar: birgəyaşayışın Azərbaycan nümunəsi” mövzusunda konfrans keçirilib. Tədbirdə Dövlət Komitəsinin sədr müavini Siyavuş Heydərov, Bakı Multikulturalizm Mərkəzinin icraçı direktoru Rəvan Həsənov, din xadimləri, İlahiyyat İnstitutunun müəllim və tələbələri iştirak ediblər.​ Tədbir çərçivəsində​ Dövlət Komitəsinin sifarişi əsasında Bakı və Azərbaycan yeparxiyasının və Azərbaycanda Katolik Kilsəsinin Apostol Prefekturasının​ maliyyə dəstəyi ilə çəkilmiş birgə yaşayış mədəniyyətindən bəhs edən film konfrans iştirakçıların diqqətinə təqdim olunub. Bakı yeparxiyasını konfransda yeparxiyanın mətbuat katibi, protoiyerey Konstantin Pominov təmsil edib.