Bakı Kitab Mərkəzində “Vətən müharibəsinin tarixi - şəxsiyyət amili” kitabının təqdimat mərasimi keçirilib

Bakı Kitab Mərkəzində Bakı Şəhər İcra Hakimiyyətinin təşkilatçılığı ilə “Vətən müharibəsinin tarixi - şəxsiyyət amili” kitabının təqdimat mərasimi keçirilib. Altı dilə tərcümə olunan nəşr Bakı Şəhər İcra Hakimiyyəti ilə Azərbaycan Milli Elmlər Akademiyasının Tarix İnstitutunun birgə layihəsidir.

Kitab Azərbaycanın müdafiə naziri Zakir Həsənovun, xarici işlər naziri Ceyhun Bayramovun, Şuşa şəhərinin azad edilməsində iştirak etmiş əfsanəvi polkovnik Tehran Mənsimovun və Bakı Şəhər İcra Hakimiyyətinin başçısı Eldar Əzizovun yazdığı ayrı-ayrı fəsillərdən ibarətdir. .

Təqdimatdan əvvəl tədbir iştirakçıları ölkənin ərazi bütövlüyünün bərpası zamanı həlak olmuş Vətən müdafiəçilərinin xatirəsini bir dəqiqəlik sükutla yad ediblər. Sonra təqdimat mərasiminə toplaşanlar üçün nəşr olunmuş kitab haqqında sənədli film nümayiş etdirilib. Eldar Əzizov tədbir iştirakçılarına salamlama nitqi ilə müraciət edərək qeyd edib ki, nəşr olunan kitab Azərbaycanın birinci müharibədə məğlubiyyətinin səbəblərini, 30 ilə yaxın müddət ərzində münaqişənin sülh yolu ilə həlli cəhdlərini, işğal olunmuş torpaqların çoxdan gözlənilən azad edilməsinə gətirib çıxaran Azərbaycan ordusunun yeni quruculuğu prosesini və Ali Baş Komandan İlham Əliyevin müdrik strategiyasını və uzaqgörən siyasətini obyektiv və hərtərəfli təhlil etməyə ilk cəhddir. Sonra söz layihə iştirakçılarına verilib.

Tədbirdə Qarabağ müharibəsi veteranları, dövlət qurumlarının rəhbərləri, Milli Məclisin deputatları, ənənəvi dini icmaların rəhbərləri və nümayəndələri, Azərbaycan ziyalılarının tanınmış nümayəndələri iştirak ediblər.

Tədbirdə Bakı yeparxiyasını Yeparxiyanın ictimai təşkilatlarla qarşılıqlı əlaqələr şöbəsinin rəisi, protoiyerey Mefodiy Əfəndiyev təmsil edib.