Bakı yeparxiyasının Dini-Mədəniyyət Mərkəzində Fuad Axundovun mühazirəsi keçirilib

Bakı Yeparxiyasının Dini-Mədəni Mərkəzində məşhur gid, Bakı şəhər sirlərini toplayan Fuad Axundovun mühazirəsi keçirilib. Tədbiri giriş sözü ilə Bakı yeparxiyasının katibi arximandrit Aleksiy (Nikonorov) açıb. O tamaşaçıları salamlayıb və onları mühazirəçi ilə tanış edib.

Daha sonra tədbirdə iştirak edənlər Fuadın inqilabdan əvvəlki Bakının ən görkəmli pravoslav kilsəsi olan Müqəddəs Mömin Knyaz Aleksandr Nevskiy kafedral kilsəsi haqqında hekayəsini dinlədilər. Bu əzəmətli məbədin tikintisi 10 il davam edib, təqdis edilməsi isə 1898-ci il oktyabrın 8-də baş tutub. Kilsə öz dövrü üçün Qafqazın ən böyük kilsəsi olub. 1936-cı ildə Aleksandr Nevskiy kafedralı dağıdıldı.

Həmçinin dinləyicilər təkcə kafedral haqqında deyil, həm də kilsənin tikintisində və kilsə həyatında bu və ya digər dərəcədə iştirak etmiş insanlar haqqında maraqlı faktlar öyrəndilər. Fuad Axundovun təqdim etdiyi fotomateriallar onun hekayəsini tamamlayır və dinləyicilərə “Qızıllı Kilsə”nin (yerli insanlar məbədi belə adlandırırdı) qızıl günbəzinin Azərbaycan paytaxtının üzərində ucaldığı dövrə vizual şəkildə daxil olmaq imkanını verirdi.

Tədbirin keçirilməsinə texniki dəstəyi Bakı Rus Evi göstərib.