Lənkəran prixodu kilsəsinin taxt-tac bayramını qeyd edib

Bakı yeparxiyasının ən cənub prixodunda kilsə taxt-tac bayramı keçirilib. Allahın Əqdəs Validəsinin Dua Örpəyinə həsr olunmuş kilsə  2019-cu ildə inşa edilmişdir və yeparxiyanın ən «gənc» kilsəsidir. Kilsədə ilk İlahi Liturgiya 2022-ci ilin iyun ayında Bakı Yeparxiyasının rəhbəri vəzifəsini müvəqqəti icra edən Pyatiqorsk və Çərkəz arxiyepiskopu Feofilakt tərəfindən keçirilmişdir. Həmin andan etibarən kilsədə liturgiya həyatı davam edir, ibadətlər müntəzəm olaraq keçirilir və icma üzvlərinin sayı artır.

Kilsə bayramı ibadətinə, Allahın Əqdəs Validəsinin Dua Örpəyi prixodunun baş keşişi protoiyerey Aleksandr Astaşkinin və protodiakon Vadim Tokarevin müşaiyəti ilə Bakı yeparxiyasının katibi arximandrit Aleksiy (Nikonorov) başçılıq edib. Liturgiya ilahiləri Mixail Klimovun rəhbərliyi altında Bakı şəhəri Müqəddəs Mürr-daşıyan Zənənlər kafedral kilsəsinin kvarteti tərəfindən ifa olunub. Yeparxiyanın zəvvarlıq idarəsi tərəfindən Bakı və Sumqayıt kilsələrinin imanlıları üçün Lənkərana səfər təşkil edilib. Pravoslav lənkəranlıları təbrik etmək və bayram sevincini onlarla bölüşmək üçün Rusiyanın Azərbaycandakı səfirliyinin diplomatları, eləcə də “Rossotrudniçestvo”nun Azərbaycandakı nümayəndəliyi rəhbərinin birinci köməkçisi gəliblər.

Belarusda bayram günü üçün xüsusi olaraq hazırlanmış əsas kilsə bayramlarının ikonaları Lənkəran kilsəsinə təqdim edildi. Liturgiyanın sonunda kilsənin ətrafında dini yürüş keçirildi. Yürüş zamanı yeni ikonalar təqdis edildi.