Moskvada Rus Pravoslav Kilsəsinin regent və ifaçılarının Beynəlxalq Qurultayının açılıb

Oktyabrın 16-da Moskva şəhəri Xilaskar Məsih Kilsəsinin Kilsə Məclisləri Zalında Moskva və Bütün Rusiya Patriarxı yanında rus kilsə ilahilərin ifası inkişafı üzrə Kilsə-İctimai Şurasının təşkilatçılığı və Mədəniyyət Nazirliyinin dəstəyi ilə Rus Pravoslav Kilsəsinin regent və ifaçılarının Beynəlxalq Qurultayının açılışı keçirildi.

Tədbirin nümayəndələrini Moskva və Bütün Rusiya Patriarxı yanında rus kilsə ilahilərin ifası inkişafı üzrə Kilsə-İctimai Şurasının sədri, Tver və Kaşin mitropoliti Amvrosiy salamlayıb və III Beynəlxalq Qurultay iştirakçılarına Patriarxın salamlarını çatdırıb. Həmçinin Rusiya Federasiyasının mədəniyyət naziri O. B. Lyubimova tədbir iştirakçıları qarşısında salamlama nitqi ilə çıxış edib.

Bu ilki qurultay Sergey Vasilyeviç Raxmaninovun xatirəsinə həsr olunduğu üçün rəsmi hissənin sonunda görkəmli rus bəstəkarının həyat və yaradıcılığında Kilsənin yeri, onun dini musigi əsərləri haqqında məruzələr dinlənilib. Sonra nümayəndələr “Kliros. Dövrümüzün problemləri” mövzusunda sessiyada iştirak ediblər. Tədbir çərçivəsində bir sıra kitabların təqdimatı, master-klasslar və bəstəkar G.N. Lapayev ilə görüş keçirilib.

Qurultayın ilk iş günü «Məsihin Nuru» adlı I və II Patriarx Beynəlxalq Festivalın qaliblərinin qala-konserti ilə başa çatıb. Qurultayın işində Rusiyadan, eləcə də yaxın və uzaq xaricdən 600-ə yaxın nümayəndə iştirak edir.

Bakı və Azərbaycan Yeparxiyasının rəhbəri vəzifəsini müvəqqəti icra edən Pyatiqorsk və Çərkəz arxiyepiskopu Feofilaktın xeyir-duası ilə Qurultayın işində Bakı şəhəri Ali-Mələk Mikayıl kilsəsinin xor rəhbəri K.V. Əfəndiyeva iştirak edir.

Foto: Tver mitropoliyası