Patriarxı Kirill müqəddəsləri ilə “İman və Söz” festivalının iştirakçıları arasında görüş keçirilmişdir

Oktyabrın 19-da Moskva və Bütün Rusiya Patriarxı Kirill müqəddəsləri ilə X Beynəlxalq “İman və Söz” pravoslav KİV-ləri festivalının iştirakçıları arasında görüş keçirilmişdir. Moskva şəhəri Xilaskar Məsih kafedral kilsəsinin Kilsə Məclisləri Zalında keçirilən toplantıda Rus Pravoslav Kilsəsinin Rusiya Federasiyasında və qonşu ölkələrdə yerləşən 200 yeparxiyasından 500-ə yaxın nümayəndə, həmçinin festivalın qonaqları — dünyəvi KİV və dövlət orqanlarının, ictimai təşkilatların nümayəndələri iştirak edib.

Patriarx Kirill müqəddəsləri forum iştirakçılarına xeyir-dua verərək, bütün iştirakçılara ali yepiskop sözü ilə müraciət etdi, sonra isə nümayəndələrin çoxsaylı suallarını cavablandırdı.

Festivalın işində Bakı və Azərbaycan Yeparxiyasının ictimai təşkilatlarla qarşılıqlı əlaqələr şöbəsinin rəhbəri protoiyerey Mefodiy Əfəndiyev və Bakı Yeparxiya İdarəsinin dəftərxana rəhbəri Mixail Klimov iştirak ediblər.

Rus Pravoslav Kilsəsinin Başçısı ilə görüşdən sonra X Beynəlxalq “İman və Söz” festivalının bağlanış mərasimi keçirildi. Mərasim zamanı bir sıra qonaqlar və tədbir iştirakçıları ümumkilsə və Kilsənin cəmiyyət və KİV-ə əlaqələr üzrə Sinodal şöbəsinin mükafatları ilə təltif olundu. Bakı Yeparxiyasının ictimai təşkilatlarla qarşılıqlı əlaqələr şöbəsinin rəhbəri protoiyerey Mefodiy Əfəndiyev “Əmək və sözlə” fərqlənmə nişanı ilə təltif edildi.