Bakıda “Biz birlikdə güclüyük” konfransı keçirilib

Bakıda qarşıdan gələn Qələbə Günü və Beynəlxalq Tolerantlıq Gününə həsr olunmuş “Biz birlikdə güclüyük” konfransı keçirilib. Tədbir iştirakçıları ölkəmizin ərazi bütövlüyünün bərpası uğrunda şəhid olanların xatirəsini bir dəqiqəlik sükutla yad ediblər. Daha sonra ölkədəki dini icmaların həyatından, onların arasındakı xoş münasibətlərdən bəhs edən sənədli film tədbir iştirakçılarının diqqətinə çatdırılıb.

Azərbaycan Respublikası Dini Qurumlarla İş üzrə Dövlət Komitəsi və Mənəvi Dəyərlərin Təbliği Fondunun birgə təşkilatçılığı ilə keçirilən tədbirdə Dövlət Komitəsinin sədri M.Qurbanlı, Bakı Beynəlxalq Multikulturalizm Mərkəzinin icraçı direktoru R. Həsənov, Fondun icraçı direktoru M. İsmayılov, ölkədə fəaliyyət göstərən dini icmaların rəhbərləri və nümayəndələri iştirak ediblər.

Bakı yeparxiyasını tədbirdə Yeparxiyanın ictimai təşkilatlarla qarşılıqlı əlaqələr şöbəsinin rəhbəri proiyerey Mefodiy Əfəndiyev təmsil edib. M. Əfəndiyev konfransın mövzusu ilə bağlı çıxış edib.