Qələbə günü ərəfəsində Bakı Beynəlxalq Multikulturalizm Mərkəzində dəyirmi masa keçirilib

Qələbə günü ərəfəsində Bakı Beynəlxalq Multikulturalizm Mərkəzində “8 noyabr – Qələbə günü” mövzusunda dəyirmi masa keçirilib. Tədbir iştirakçıları şəhidlərin xatirəsini bir dəqiqəlik sükutla yad ediblər. Sonra dini və milli mənsubiyyətindən asılı olmayaraq Azərbaycan vətəndaşlarının işğal altında olan torpaqların azad edilməsinə və ölkəmizin ərazi bütövlüyünün bərpasına verdiyi töhfələrdən bəhs edən sənədli film tədbir iştirakçılarının diqqətinə çatdırılıb.

Tədbirdə Bakı Beynəlxalq Multikulturalizm Mərkəzinin icraçı direktoru R.Həsənov, Qarabağ müharibəsi veteranları, ölkənin dini və etnik icmalarının rəhbərləri və nümayəndələri iştirak ediblər.

Bakı yeparxiyasını tədbirdə Yeparxiyanın ictimai təşkilatlarla qarşılıqlı əlaqələr şöbəsinin rəhbəri protoiyerey Metfodiy Əfəndiyev təmsil edib və dəyirmi masanın mövzu ilə bağlı çıxış edib.