Bakıda “Heydər Əliyev - 100: Ulu Öndər və milli-mənəvi dəyərlərimiz” mövzusunda konfrans keçirilib

Azərbaycan xalqının Ümummilli lideri Heydər Əliyevin 100 illik yubileyinin qeyd edilməsi çərçivəsində Qafqaz Müsəlmanları İdarəsində Beynəlxalq Tolerantlıq Günü ilə bağlı “Heydər Əliyev - 100: Ulu Öndər və milli-mənəvi dəyərlərimiz” mövzusunda konfrans keçirilib.

Konfransda Azərbaycanın ənənəvi dini icmalarının rəhbərləri və nümayəndələri, Azərbaycan Respublikasının Dini Qurumlarla İş üzrə Dövlət Komitəsinin sədri M. Qurbanlı, Bakı Beynəlxalq Multikulturalizm Mərkəzinin icraçı direktoru R. Həsənov, Azərbaycan Respublikası Prezident Administrasiyasının nümayəndələri, Milli Məclisin deputatları, ictimaiyyət nümayəndələri iştirak ediblər. Tədbir başlamazdan əvvəl iştirakçılar Ümummilli liderin Fəxri xiyabanda məzarı önünə gül dəstələri düzərək xatirəsini ehtiramla yad ediblər. Daha sonra Heydər Əliyev və onun tolerant və multikultural Azərbaycan cəmiyyəti quruculuğunda xidmətlərindən bəhs edən film konfrans iştirakçıların diqqətinə təqdim olundu.

Bakı yeparxiyasını tədbirdə Yeparxiya Şurasının katibi protoiyerey Dionisiy Sveçnikov və Yeparxiyanın mətbuat katibi protoiyerey Konstantin Pominov təmsil ediblər.