Ali-Mələk Mikayıl kilsəsində kilsənin taxt-tac bayramı qeyd edilib

Müqəddəs Ali-Mələk Mikayıl və Cisimsiz Səmavi Qüvvələrin şərəfinə keçirilən bayram Bakı və Azərbaycan yeparxiyasının ən qədim kilsəsinin taxt-tac bayramıdır. 1845-ci ildə 45-ci donanma heyətinin xəstəxanasında inşa edilən kilsə əvvəlcə Müqəddəs Məryəmin Göylərə Götürülməsinə həsr olunmuşdu. 1873-cü ildə Xəzər flotiliyasının işçiləri üçün Bakı limanında müqəddəs Moskvalı Aleksiy kilsəsinin tikintisi və köhnə Məryəmin Göylərə Götürülməsi kilsəsinin ləğvi ilə əlaqədar olaraq, köhnə «dəniz» kilsəsinin binası 66-cı Bakı quberniya batalyonunun (sonralar Salyan alayına çevrildi) tabeliyinə verildi. Beləliklə, köhnə dəniz kilsəsi batalyon kilsəsinə, daha sonra isə alay kilsəsinə çevrildi. Batalyon kilsəsinin taxt-tac bayramı Ali-Mələk Mikayıl bayramı gününə düşdü. 1891-1892-ci illərdə köhnəlmiş kilsə binası bərpa və rekonstruksiya edildi və 1 noyabr 1892-ci il tarixində Ali-Mələk Mikayılın şərəfinə təqdis olundu. Şəhərin bir çox sakinləri tərəfindən sevilən Ali-Mələk kilsəsinin tarixi budur. Kilsəni hələ də köhnə adətə görə «dəniz» kilsəsi adlandırırlar.

Taxt-tac bayramı ibadətinə Bakı yeparxiyasının katibi arximandrit Aleksiy (Nikonorov) başçılıq edib. İlahi Liturgiyanın sonunda xaç yürüşü keçirildi və uzun illər duaları oxundu. Daha sonra uşaq bazar günü məktəbinin şagirdləri bayrama həsr olunmuş şeirlər və ilahilər ilə mərasim iştirakçılarını təbrik etdi. Kilsənin baş keşişi protoiyerey Mefodiy Əfəndiyev toplaşanların hamısını bayram süfrəsinə dəvət etdi.