Bakının kafedral kilsəsində məşhur Moskva xorunun konserti

Bakı və Azərbaycan yeparxiyası bərpasının 25-ci ildönümünün qeyd olunması çərçivəsində paytaxt kilsələrinin imanlıları üçün gözəl hədiyyə təqdim edib. Müqəddəs Mürr-Daşıyan Zənənlər kafedral kilsəsində ruhani musiqi konserti keçirilib. Tatyana Jdanovanın rəhbərlik etdiyi “Sevinc” mərkəzinin məşhur “Vozrojdenie” (İntibah) Rusiya xoru tamaşaçılar qarşısında çıxış edib. Tədbir təkcə kilsənin deyil, həm də Bakının mədəni həyatının maraq doğuran hadisəsinə çevrildi. 

"Sevinc" Uşaq Yaradıcılıq İnkişafı və Musiqi-Estetik Tərbiyəsi Mərkəzi 1980-ci ildə yaradılmışdır. Mərkəzin daimi direktoru Rusiya Federasiyasının əməkdar artisti, Ümumrusiya Xor Cəmiyyəti Rəyasət Heyətinin üzvü, Moskva Musiqi Cəmiyyəti Rəyasət Heyətinin üzvü, Beynəlxalq Musiqiçilər İttifaqı yanında Moskva Xorları Assosiasiyasının bədii şurasının üzvü Tatyana Jdanovadır. Mərkəzin məzunlarından ibarət “Vozrojdenie” xoru bir çox Beynəlxalq Xor Festivallarının Qran-pri sahibi və laureatıdır, Rusiyanın və digər ölkələrin nüfuzlu səhnələrində uğurla çıxış edir. “Vozrojdenie” xorunun repertuarı rus ruhani və klassik musiqisinin, Qərbi Avropa klassik musiqisinin, müasir bəstəkarların musiqisinin, Rusiyanın və dünyanın xalq musiqisinin incilərindən ibarətdir. Bakı şəhəri Müqəddəs Mürr-Daşıyan Zənənlər kafedral kilsəsində xor gecə ibadəti, İlahi Liturgiya və digər ruhani əsərlər ilə çıxış edib.