Ali-Mələk Mikayıl xorunun regenti fəxri ada layiq görüldü

Birləşmiş Xor Hərəkatının komissiyasının qərarı ilə Bakı şəhəri Ali-Mələk Mikayıl kilsəsinin regenti Kristina Əfəndiyevaya “Birləşmiş Xor Hərəkatının Əməkdar Xadimi” fəxri adı verilib.

Birləşmiş Xor Hərəkatı həm Rusiyada, həm də digər ölkələrdə xor qruplarını, onların rəhbərlərini və xormeysterlərini, həmçinin bəstəkarları və xor ifaçılarını birləşdirən qeyri-kommersiya xor sənətinə dəstək verən ictimai təşkilatdır. Fəxri adın sahibləri arasında xor musiqisinin inkişafında xidmətləri olan professorlar, əməkdar və xalq artistləri, Rusiyanın və digər ölkələrin aparıcı musiqi universitetlərinin dirijorluq kafedralarının müdirləri var.