Azərbaycanın dini liderləri Prezident İlham Əliyevi ad günü münasibətilə təbrik ediblər

Azərbaycanın dini liderləri, ölkənin Dini Konfessiyaların Məşvərət Şurasının üzvləri Prezident İlham Əliyevi ad günü münasibətilə təbrik ediblər. Təbrikdə vurğulanıb ki ölkə başçısının sarsılmaz siyasi iradəsinin sayəsində Azərbaycan böhranları üstələyə bilən iqtisadiyyatı, örnək siyasi mədəniyyəti, dini-mənəvi dəyərləri, multikultural ənənələri ilə tanınan dünyaya örnəkdir. «Biz müxtəlif etnik və dini mənsubiyyət daşıyıcısı olan Azərbaycan vətəndaşlarının mənəvi harmoniya şəraitində bir ailənin üzvləri kimi xoşbəxt yaşamalarını təmin edən multikultural ənənələrimizə istinadən Sizin qlobal müstəvidə dinlər və sivilizasiyalararası dialoq işinə verdiyiniz böyük əməli töhfələri yüksək dəyərləndiririk» — məktubda xüsusi olaraq qeyd olunub.