Yepiskop Aleksiy dekorativ-tətbiqi sənət ustaları ailəsi ilə görüşüb

Bakı Yeparxiyasının Pravoslav Dini-Mədəni Mərkəzində yepiskop Aleksiy yaradıcı insanlar ailəsi ilə görüşüb. İsgəndər, Lalə və Toğrul Sərdarlı Azərbaycan Rəssamlar İttifaqının üzvləri, dekorativ-tətbiqi sənət ustalarıdır, onların əsərləri Azərbaycan və xarici muzeylərin, qalereyaların, ayrı-ayrı şəxslərin kolleksiyalarında layiqli yer tutur. Sərdarlı ailəsi tərəfindən təşkil olunmuş "Sərdar sandıq ocağı" muzeyi dünyada yeganə bu tipli muzeydir. Lalə Sərdarlı həm də “Tətbiqi sənət nümunələrinin qorunmasına və təbliğinə yardım” ictimai birliyinin sədridir.

Yepiskopun ustalar ailəsi ilə görüşü səmimi, dostluq şəraitində keçdi. Rəssamlar öz yaradıcılıqlarından, dekorativ-tətbiqi sənət irsinin qorunub saxlanmasından, işlərində müasir texnologiyalardan istifadə etmələrindən danışıblar. Sərdarlılar ailəsi Müqəddəs Mürr-Daşıyan Zənənlər kafedral kilsəsinə "Külli-İxtiyar Rəbb” oyma ikonasını və yepiskop Aleksiyə əl işi olan arxiyerey xaçı və panagiyanı hədiyyə olaraq təqdim etdilər. Yepiskop qiymətli hədiyyələrə görə qonaqlara təşəkkür etdi və xoş ünsiyyət və əməkdaşlığın davamlı olacağına ümid etdiyini bildirdi.