Bakı Rus Evində XXXIII Beynəlxalq Təhsil Milad Oxumaların yeparxiya mərhələsinin plenar iclası keçirilib

1993-cü ildən bəri hər il Moskvada, Moskva və Bütün Rusiyanın Patriarxının fəxri sədrliyi ilə təhsil, mədəniyyət, sosial xidmət və ruhani-əxlaqi maarifləndirmə sahələrində geniş miqyaslı kilsə və ictimai forum olan Beynəlxalq Milad Təhsil Oxumaları keçirilir. Oxumaların ən mühüm vəzifələrinə pravoslav təhsilinin inkişafı, cəmiyyətin mənəvi-əxlaqi tərbiyəsi, elm və mədəniyyət problemlərinin pravoslav dünyagörüşü baxımından dərk edilməsi, kilsə ilə dövlət arasında təhsil sahəsində əməkdaşlığın genişləndirilməsi daxildir. Oxumalar ənənəvi olaraq iki mərhələdə - regional və ümumkilsə mərhələsində keçirilir. Regional mərhələ Rus Pravoslav Kilsəsinin yeparxiyalarında keçirilir. Ümumkilsə mərhələsi ilin əvvəlində Moskvada keçirilir və Rusiya Federasiyasından, yaxın və uzaq xaricdən 5000-dən çox iştirakçını cəlb edir. 2025-ci ildə XXXIII Beynəlxalq Milad Təhsil Oxumalarının mövzusu “Böyük Qələbənin 80 illiyi: nəsillərin yaddaşı və mənəvi təcrübəsi” dir.

Bu il dekabrın 15-i Bakı Rus Evində ilk dəfə olaraq Bakı yeparxiyasında keçirilən Milad Oxumaların yeparxiya mərhələsinin plenar iclası keçirilib. Təntənəli tədbiri Bakı və Azərbaycan yepiskopu Aleksiy açıb. Yepiskop Aleksiy çıxışında faşizm üzərində qələbənin ümumi işinə töhfə vermiş Azərbaycan oğul və qızlarının mühüm rolunu qeyd edib. “Bu əlamətdar ildə biz Böyük Vətən Müharibəsində iştirak etmiş, Vətən uğrunda canlarından keçmiş və sağ qalıb vətənə qayıdan hər kəsi xüsusi ehtiramla yad edirik”, - deyə yepiskop vurğulayıb. Yepiskop həmçinin “Rossotrudniçestvo” nümayəndəliyinin rəhbəri İrek Zinnurova “Rus evi”nin ərazisində genişmiqyaslı tədbir keçirmək imkanına görə təşəkkür edib.

“İkinci Dünya Müharibəsi illərində azərbaycanlıların müqavimət hərəkatında iştirakı. Yeni adlar və faktlar” mövzusunda məruzə ilə Azərbaycan Milli Elmlər Akademiyasının Fəlsəfə və Sosiologiya İnstitutunun baş elmi işçisi, sosioloq, fəlsəfə elmləri namizədi İlham Abbasov çıxış etdi. Bioetika üzrə Sinodal Komissiyasının katibi, Moskva şəhəri Krapivnikidə müq. Radonejli Sergiy kilsəsinin Patriarx məkanının baş keşişi Aleksandr Abramov “Həqiqət böyükdür və qalib gəlir (Ezra, 4:41) Rus Pravoslav Kilsəsi Böyük Vətən Müharibəsində” mövzusunda məruzə ilə çıxış etdi.

Plenar iclas çərçivəsində “Allahın xilqətinin gözəlliyi” uşaq yaradıcılığı üzrə Beynəlxalq müsabiqəsinin respublika mərhələsinin qalibləri mükafatlandırılıb. Həmçinin Lənkəranlı istedadlı gənc rəssam, Dövlət Rəssamlıq Akademiyasının məzunu Anastasiya Semyonovanın əsərləri də toplaşanların diqqətinə təqdim olundu.

Tədbirdə Rusiya Federasiyasının Azərbaycan Respublikasındakı fövqəladə və səlahiyyətli səfiri Yevdokimov M.N., Belarus Respublikasının Azərbaycan Respublikasındakı fövqəladə və səlahiyyətli səfiri Ravkov A.A., Azərbaycanın Rus İcmasının sədri Zabelin M.Y., Azərbaycan Respublikasının Dini Qurumlarla İş üzrə Dövlət Komitəsinin əməkdaşı Sultanov A., Azərbaycanın rus icmasının nümayəndələri, Rusiya Federasiyasının və Belarus Respublikasının Azərbaycandakı səfirliklərinin əməkdaşları, Bakı yeparxiyasının ruhaniləri, paytaxt kilsələrinin imanlıları və əməkdaşları, bazar günü məktəblərinin müəllimləri, tələbələr və s.iştirak ediblər.