Xəbərlər 2025
Azərbaycanın Prezidenti İlham Əliyev pravoslav icmasını Pasxa bayramı münasibətilə təbrik edib
18.04.2025
191
Azərbaycanın pravoslav xristian icmasına
Hörmətli həmvətənlər!
Sizi və Azərbaycanın bütün xristian icmasını müqəddəs Pasxa bayramı münasibətilə səmimi-qəlbdən təbrik edir, hamınıza xoşbəxtlik və əmin-amanlıq arzularımı yetirirəm.
Zəngin tolerantlıq ənənələrinə malik Azərbaycanda tarixin heç bir dönəmində din və məzhəb zəminində ayrı-seçkilik halları olmamış, etnomədəni müxtəliflik günümüzədək qorunub saxlanılmışdır. Cəmiyyətimizdə qarşılıqlı hörmətə və etimada əsaslanan birgəyaşayış mədəniyyətinin, mütərəqqi ictimai-əxlaqi dəyərlərin təbliği və təşviqi dövlət siyasətinin başlıca istiqamətlərindəndir.
Bu gün milli-mənəvi həmrəyliyin və nümunəvi dözümlülük mühitinin hökm sürdüyü cəmiyyətimizdə xristian icmasının özünəməxsus yeri vardır. Məmnunluq hissi ilə qeyd etmək istəyirəm ki, xristian etiqadlı vətəndaşlarımız ölkənin ictimai-siyasi və mədəni həyatında layiqincə təmsil olunur, doğma evimiz Azərbaycanın inkişafına və tərəqqisinə əhəmiyyətli töhfələr verirlər.
Əziz dostlar!
Pasxa bayramı yeniliyi, dirçəlişi, mərhəmət və xeyirxahlıq duyğularını təcəssüm etdirir. Bu nurlu gündə bir daha hər birinizə xoş bayram ovqatı, ailələrinizə sevinc və rifah arzulayıram.
Bayramınız mübarək olsun!
İlham Əliyev
Azərbaycan Respublikasının Prezidenti
Bakı şəhəri, 18 aprel 2025-ci il
Xəbərlər
18.04.2025191
Azərbaycanın pravoslav xristian icmasına
Bölmənin digər xəbərləri
29.12.2025133Bayramları ərəfəsində xeyriyyə tədbiri keçirilib
Dünya Azərbaycanlılarının Həmrəylik Günü və Yeni il bayramları ərəfəsində xeyriyyə tədbiri keçirilib. Tədbir zamanı kilsə xeyriyyəçiliyi və sosial xidmət üzrə yeparxiya şöbəsinin rəhbəri, protoiyerey Mefodiy
28.12.2025123Cəlilabadda xeyriyyə aksiyası
Yeparxiyanın xeyriyyəçilik və sosial xidmət şöbəsinin rəhbəri, protoiyerey Mefodiy Əfəndiyev və “Güvən Xeyriyyə” ictimai birliyinin rəhbəri Nigar Bayramlı Cəlilabad şəhərinə səfər ediblər, burada Bakı şəhəri Ali-Mələk
28.12.202513428 Dekabr – Allahın Validəsinin Xəzər ikonasının bayramı
Dekabrın 28-də Bakı Yeparxiyası Allahın Validəsinin Xəzər ikonasının şərəfinə xüsusi bayram qeyd edir. Bu gün yeparxiya üçün həm də ona görə əlamətdardır ki, 28 dekabr 1998-ci ildə Rus Pravoslav Kilsəsinin
Populyar Xəbərlər
06.01.202672Milad Ərəfəsi yepiskopu Aleksiy kafedral kilsəsində İlahi Liturgiya keçirib
Milad Ərəfəsi, Bakı və Azərbaycan yepiskopu Aleksiy, Bakı şəhəri Müqəddəs Mürr-Daşıyan Zənənlər kafedral kilsəsində İlahi Liturgiya keçirib. Arxiyereyi kafedral kilsəsinin ruhaniləri müşayiət ediblər. ...
27.01.202669Bakıda Holokost qurbanlarının xatirəsi yad edilib
Hər il, yanvar ayının 27-də Beynəlxalq Holokost Anım Günü qeyd olunur. Bu anım günü 2005-ci ildə təsis edilib və 27 yanvar 1945-ci ildə sovet qoşunları tərəfindən "Osvensim" nasist düşərgəsinin azad ...
20.01.20266820 Yanvar - 1990-cı ildə Bakıda baş vermiş faciəli hadisələrin 35-cü ildönümüdür
20 Yanvar Azərbaycanda Ümumxalq Hüzn Günü kimi əbədiləşdirilib. Hər il yanvarın 20-də yüz minlərlə insan Azərbaycan xalqının azadlıq və müstəqillik yolunda ilk addımına çevrilmiş o dəhşətli faciə qurbanlarının ...