Moskva və Bütün Rusiyanın Patriarxı Kirill Müqəddəsləri Bakı şəhəri Müqəddəs Mürr-Daşıyan Zənənlər kafedral kilsəsində İlahi Liturgiyanı keçirib

2025-ci il mayın 4-də, Pasxa dövrünün 3-cü Rəbb günü, Moskva və Bütün Rusiyanın Patriarxı Kirill Müqəddəsləri Bakı şəhəri Müqəddəs Mürr-Daşıyan Zənənlər kafedral kilsəsində İlahi Liturgiyanı keçirib. İbadət zamanı Zati-Müqəddəslərini müşayiət ediblər: Bakı və Azərbaycan yepiskopu Aleksiy; Patriarx Müqəddəslərinin şəxsi katibi, Ramensk yepiskopu Aleksiy; Bakı şəhəri Müqəddəs Mürr-Daşıyan Zənənlər kafedral kilsəsinin fəxri baş keşişi protoiyerey Leonid Miltıx; Yeparxiya İdarəsinin katibi protoiyerey Dionisiy Sveçnikov; iqumen Kirill (Nikitin); Bakı şəhəri Allahın Əqdəs Validəsinin Mövludu kilsəsinin baş keşişi protoiyerey Aleksandr Novikov; Bakı yeparxiyasının ruhaniləri.

Rusiya Federasiyasının Azərbaycan Respublikasındakı fövqəladə və səlahiyyətli səfiri M.N. Yevdokimov, Belarus Respublikasının Azərbaycan Respublikasındakı fövqəladə və səlahiyyətli səfiri D.L. Pineviç, Azərbaycan Respublikası Dini Qurumlarla İş üzrə Dövlət Komitəsinin nümayəndəsi Aslan Sultanov ibadət zamanı kilsədə olublar.

Liturgiya ilahiləri Azərbaycan Respublikasının əməkdar artisti Vaqif Məstanovun rəhbərliyi ilə Müqəddəs Mürr-Daşıyan Zənənlər kafedral kilsəsinin arxiyerey xoru tərəfindən ifa olunub. Liturgiyada yerli kazak icması, Bakı yeparxiyasının gənclər və ictimai təşkilatlarının nümayəndələri dua ediblər. İbadət “Soyuz” və “Spas” telekanallarında, eləcə də Rus Pravoslav Kilsəsinin Patriarhia.ru rəsmi saytında canlı yayımlanıb. Həmçinin ibadətdən canlı yayım kafedral kilsəsinin ərazisində quraşdırılmış böyük ekranlarda nümayiş etdirildi. İncil Azərbaycan və kilsə slavyan dillərində oxunmuş, bəzi dualar və ilahilər azərbaycan dilində oxunmuşdur. Birlik ayinindən öncə vəzi Bakı şəhəri Ali-Mələk Mikayıl kilsəsinin baş keşişi protoiyerey Mefodiy Əfəndiyev oxudu.

Liturgiyanın sonunda Bakı və Azərbaycan yepiskopu Aleksiy Patriarx Müqəddəslərini salamladı və Bakı Yeparxiyası tərəfindən nəşr edilmiş Azərbaycan dilində ilk İbadət İncilin nüsxəsini Zati-Müqəddəslərinə təqdim etdi. Patriarx Kirill mərasim iştirakçılarına Böyük Öndər nəsihəti ilə müraciət etdi. Patriarx Müqəddəsləri yepiskop Aleksiyə xaç və panagiya hədiyyə etdi və kilsəyə Məsihin Dirilməsi ikonasını bağışladı.

Şövqlü arxıpastır əməyini nəzərə alaraq və anadan olmasının 50 illiyi ilə əlaqədar Bakı və Azərbaycan yepiskopu Aleksiy 3-cü dərəcəli Müqəddəs Sarovlu Serafim ordeni ilə təltif edildi.

İmanlılara Patriarx xeyir-duası ilə Məsihin Dirilməsi kiçik ikonaları hədiyyə edildi. Daha sonra Bakı yeparxiyasının Pravoslav Dini-Mədəni mərkəzində Moskva və Bütün Rusiyanın Patriarxı Kirill Rusiya Federasiyasının Azərbaycan Respublikasındakı Fövqəladə və Səlahiyyətli səfiri M.N. Yevdokimov ilə görüşdü.