“Yer və səma” adlı yeparxiya uşaq yaradıcılığı müsabiqəsinin qaliblərinin mükafatlandırılması mərasimi keçirilib

Bakı Yeparxiyasının Dini-Mədəni  Mərkəzində Slavyan Ədəbiyyatı Gününün qeyd edilməsinə və Müqəddəs Həvarilərə-bərabər Kiril və Mefodinin xatirəsinə həsr olunmuş “Yer və səma” adlı yeparxiya uşaq yaradıcılığı müsabiqəsinin qaliblərinin mükafatlandırılması mərasimi keçirilib. 
Uzun illərdir ki, Bakı və Azərbaycan Yeparxiyası və Azərbaycanın Rusdilli Təhsil Müəssisələrinin Müəllimləri Assosiasiyası tərəfindən təşkil olunan müsabiqə mart-may aylarında keçirilib. Bu müddət ərzində uşaq bazar günü məktəblərinin, orta təhsil müəssisələrinin, liseylərin və rəsm studiyalarının şagirdləri tərəfindən hazırlanmış  çoxlu əsərlər təqdim olunub. Müsabiqənin qaliblərinə fəxri fərmanlar və qiymətli hədiyyələr, müsabiqənin qalan iştirakçılarına isə sertifikatlar təqdim olunub.