Bakı yeparxiyası Rus Pravoslav Kilsəsinin zəvvarlıq xidmətləri rəhbərləri üçün məlumat turu keçirib

Oktyabrın 4-dən 9-dək Bakı Yeparxiyası Rusiya və Belarusdan olan zəvvarlıq xidmətlərinin rəhbərləri üçün məlumat turu keçirib. Məlumat turunun iştirakçılar arasında Sankt-Peterburq, Samara, Krasnoyarsk, Voloqda, Vyatka, Çelyabinsk, Bryansk, Nijniy Novqorod və Böyük Novqoroddan olan zəvvar xidmətlərinin, habelə Novoqrudsk yeparxiyasının Müqəddəs Yelisey Lavrişenskiy kişi monastırının zəvvarlıq xidmətinin nümayəndələri olub.

Altı gün ərzində qonaqlar Azərbaycanın pravoslav ziyarətgahları və Qafqaz Albaniyasının xristian irsi ilə tanış olublar. Məlumat turunun iştirakçıları Azərbaycan paytaxtının pravoslav kilsələrini – Müqəddəs Mürr-Daşıyan Zənənlər kafedral kilsəsini, Allahın Əqdəs Validəsinin Mövludu kilsəsini və Ali-Mələk Mikayıl kilsəsini ziyarət ediblər, həmçinin Sumqayıtdakı Müqəddəs Sarovlu Serafim kilsəsində dua ediblər. Zəvvarlar Bakının incisi olan İçərişəhər (İçərişəhər) tarix-memarlıq qoruğunda olublar. Kilsə ənənəsinə görə burada, Qız Qalasının yaxınlığında, Müqəddəs Həvari Bartalmayın şəhidliyi ilə bağlı məkan yerləşir.

Udi xalqının sıx məskunlaşdığı Qəbələ rayonunun Nic kəndində qonaqlar qədim Müqəddəs Elişa (Cotari) və Müqəddəs Məryəm (Bulun) kilsələrinə baxıb, Alban-Udi xristian icmasının həyatı ilə tanış olublar. Məlumat turunun iştirakçıları Azərbaycanın qədim xristian irsi ilə tanışlıq çərçivəsində Şəki rayonunun Kiş kəndində qədim Qafqaz Albaniyasına xristianlığın ilk toxumlarını gətirmiş Həvari Taddayın şagirdi Müqəddəs Elişanın vəzi yerində tikilmiş kilsə-muzeyində olublar. Zəvvarlar Qax rayonunun Qum kəndində V-VI əsrlərə — Qafqaz Albaniyasında xristianlığın çiçəkləndiyi dövrə aid qədim xristian bazilikasını görmüşlər. Qonaqlar Qaxdakı Müqəddəs Müzəffər Georgiy gürcü pravoslav kilsəsini və Kürmuxdakı Georgiy kilsəsini də ziyarət ediblər.