Yepiskop Aleksiy Xaçmazda kilsə taxt-tac bayramına başçılıq edib

Dekabrın 19-u  Kilsə Müqəddəs Ecazkar  Nikolayın xatirəsini anır. Həmin gün Xaçmaz şəhəri Müqəddəs  Ecazkar Nikolay kilsəsinin icması özünün taxt-tac bayramını qeyd edir. Xaçmaz kilsəsində bayram İlahi Liturgiyasına Bakı və Azərbaycan yepiskopu Aleksiy başçılıq edib. Arxiyereyi Xaçmazdakı Müqəddəs Nikolay kilsəsinin baş keşişi iyeromonax Georgiy Budaqov, Bakı Yeparxiyasının katibi protoiyerey Dionisiy Sveçnikov, Bakının Allahın Əqdəs Validəsinin Mövludu kilsəsinin baş keşişi Aleksandr Novikov, Bakı şəhəri Müqəddəs Mürr-Daşıyan Zənənlər kafedral kilsəsinin ruhaniləri iqumen Kirill (Nikitin) və protodiakon Vadim Tokarev müşayiət ediblər. İlahi Liturgiya ilahilərini Nelya İsrafilovanın rəhbərliyi altında Bakı Müqəddəs Mürr-Daşıyan Zənənlər kafedral kilsəsinin ifaçılarl səsləndiriblər. Bayramda iştirak etmək üçün Bakı yeparxiyasının zəvvarlıq üzrə çöbəsi tərəfindən Bakıdan və Sumqayıtdan 50 nəfər zəvvarın Xaşmaza səfəri təşkil olunmuşdur.  İbadətdən sonra yepiskop kilsədə  toplaşanlara bayramın mövzusu ilə bağlı vəzlə müraciət etdi..