Tarixdə ilk dəfə Azərbaycan dilində İlahi Liturgiya keçirilib

Bakı şəhəri Müqəddəs Mürr-Daşıyan Zənənlər kafedral kilsəsində tarixdə ilk dəfə azərbaycan dilində İlahi Liturgiya keçirildi. Dua və liturgiya mətnlərinin Azərbaycan dilinə tərcüməsi 2022-ci ildə Bakı Yeparxiyasının rəhbəri, Pyatiqorsk və Çərkəz arxiyepiskopu Feofilaktın xeyir-duası ilə arximandrit Aleksinin (Nikonorovun) rəhbərlik etdiyi işçi qrupu tərəfindən başlanılmışdır. Əsas tərcümə işi Əli (Luka) Aslanlı və Toral (Pavel) Ağayev tərəfindən həyata keçirilib. 2024-cü ilin mart ayında Azərbaycan dilində pravoslav dua kitabı nəşr olundu.

Dua mətnlərinin tərcüməsi Bakı və Azərbaycan yepiskopu Aleksinin xeyir-duası və fəal dəstəyi ilə davam etdirildi. Vəftiz, Məshetmə, dəfn ayinləri və bir neçə akafistlərin mətnləri azərbaycan dilinə tərcümə edildi. Bu iş, Moskva və Bütün Rusiyanın Patriarxı Kirill Müqəddəsləri tərəfindən 2025-ci ilin may ayında Bakıya səfəri zamanı yüksək qiymətləndirilmişdir.

Tərcümələrlə yanaşı, İlahi Liturgiya ilahilərinin musiqi notlarına köçürülməsi kimi mürəkkəb işi Stavropol şəhəri Müqəddəs Vladimir kilsəsinin xor təhbəri, və Bakı şəhərində anadan olmuş Emil Mirzoyev həyata keçirmişdir. Bu, İlahi Liturgiyanı ilk dəfə olaraq azərbaycan dilində keçiriməsini mümkün etdi. İbadətə Bakı şəhəri Müqəddəs Mürr-Daşıyan Zənənlər kafedral kilsəsinin baş keşişi protoiyerey Dionisiy Sveçnikov başçılıq edib. Ata Dionisini protoiyerey Konstantin Pominov, keşiş Maksim Medvedev, protodiakon Vadim Tokarev və diakon Veniamin Sultanov müşayiət ediblər. İbadətdə Bakı və Azərbaycan yepiskopu Aleksiy də iştirak edib. İlahi Liturgiyanın ilahilərini Nelli İsrafilovanın rəhbərlik etdiyi kafedral kilsənin xoru ifa edib. Kilsədə pravoslav azərbaycanlılar dua ediblər. Onlar üçün bütün liturgiyanı ana dilində eşitmək imkanı böyük bir sevincə səbəb oldu.