Bakı Yeparxiyasının Dini- Mədəni Mərkəzində gənc rəssam əsərlərindən ibarət sərgi keçirilib

Bakı Yeparxiyasının Pravoslav Dini- Mədəni Mərkəzində istedadlı gənc rəssam Elnarə (Mariya) Səfərovanın əsərlərindən ibarət sərgi keçirilib. Elnarə Səfərova Azərbaycan Dövlət Rəssamlıq Akademiyasının məzunu, Azərbaycan Rəssamlar İttifaqı tərəfindən keçirilən Gənc Rəssamlar Müsabiqəsinin qalibi və Paris, Padua, Venesiya və Afinada keçirilən beynəlxalq sərgilərin iştirakçısıdır. Rəssamın sərgidə nümayiş olunan rəsmləri onun yaradıcılıq inkişafının müxtəlif mərhələlərini əks etdirir və müxtəlif texnikalarda — abstraksiya, impressionizm və klassik təsvir üslubunda çəkilib. 

Bakı və Azərbaycan yepiskopu Aleksiy tədbiri açaraq Mariyaya yaradıcılıq işlərində uğurlar arzuladı və xristianın Allah  tərəfindən verilən istedadlarını inkişaf etdirməsinin vacibliyini vurğuladı. Bakı Yeparxiyasının gənclər şöbəsinin rəhbəri, protoiyerey Dionisiy Sveçnikov gənc rəssamı toplaşanlara təqdim etdi və sərgi ideyasının necə yarandığından danışdı. Mariya Səfərova, yaradıcılıq yolu və sərgidə nümayiş olunan əsərlər haqqında danışdı.

Tədbir Bakı Yeparxiyasının gənclər şöbəsi tərəfindən təşkil edilmişdir.