“Şaxta Babaya məktub” adlı xeyriyyə aksiyasına start verildi

Qarşıdan gələn bayramlar — Dünya Azərbaycanlılarının Həmrəyliyi Günü və Yeni il ərəfəsində artıq bir neçə ildir ki, xeyriyyəçilərin dəstəyi ilə Bakı şəhəri Ali-Mələk Mikayıl kilsəsi tərəfindən keçirilən “Şaxta Babaya məktub” adlı xeyriyyə aksiyasına start verildi.

Kilsənin xeyriyyəçilik və sosial xidmət üzrə könüllüsü Aleksandr Karyagin və “Güvən Xeyriyyə” ictimai birliyinin rəhbəri Nigar Bayramlı Gəncə şəhərində yerləşən “Fərəh” ictimai birliyi nəzdindəki reabilitasiya mərkəzində fiziki məhdudiyyətləri olan uşaqları ziyarət etdilər. Ziyarət zamanı qonaqlar hər bir uşağa şirniyyat və gənc gəncəlilərin Şaxta Babaya yazdıqları məktublarda arzuladıqları hədiyyələri təqdim etdilər.