Bakı yeparxiyasının din xadimi "Rossotrudniçestvo"-nun nümayəndəliyi yanında Ekspert Şurasına üzv qəbul olunub

İşçi qrupun ilk iclası Bakıda Rus Evində keçirilib. Qrupun vəzifəsi iki dost ölkə - Azərbaycan və Rusiya üçün tarixi, xatirə və mədəni əhəmiyyət kəsb edən obyektlərin qorunması üzrə tədbirlərin təşkili və həyata keçirilməsinə köməklik göstərməkdən ibarətdir.

İclas zamanı işçi qrupunun Rossotrudniçestvo-nun Azərbaycan Respublikasındakı Nümayəndəliyi yanında Ekspert Şurası kimi təsnifləşdirilməsi təklif olunub. Həmçinin Şuranın Əsasnaməsinə də baxılıb.

İşçi qrupunda iştirak etmək üçün Azərbaycan-Rusiya münasibətlərinin tarixinin öyrənilməsi üzrə ixtisaslaşmış ictimaiyyətin nümayəndələri, Rusiya Federasiyasının Azərbaycandakı səfirliyinin əməkdaşları, veteranlar təşkilatının sədr müavini və s.dəvət olunublar. Bakıda Rus Evinin rəhbəri İ. X. Zinnurovun dəvətilə, Bakı Yeparxiyasının İctimai Təşkilatlarla qarşılıqlı əlaqələr üzrə şöbəsinin rəhbəri protoiyerey Mefodiy Əfəndiyev Ekspert Şurasının işində iştirak edib.