Bakı kilsəsinin xor kollektivinin bədii rəhbəri “Regentlik ustalığı” Beynəlxalq müsabiqəsində iştirak edib

Mayın 17-dən 19-dək Moskvada “Regentlik ustalığı” Beynəlxalq Müsabiqəsinin ikinci və yekun mərhələsi keçirilib. Müsabiqə Moskva və Bütün Rusiyanın Patriarxı yanında Rus kilsə ifaçılığı sənətinin inkişafı üzrə Kilsə-İctimai Şurası, Yeloxovo Zühur kafedral kilsəsi və Solntsevo müqəddəs Radonejli Sergiy kilsəsinin təşkilatçılığı ilə keçirilib.

Müsabiqənin yekun mərhələsi mayın 17-də Moskva Dövlət Universitetinin Böyük Şəhid Tatyana kilsəsində baş tutub. Yarışçılar ciddi şəkildə müəyyən edilmiş müddət ərzində Zühur və Radonejli Sergiy kilsələrinin xorları ilə Liturgiya ilinin iki ilahisi üzərində işi nümayiş etdirməli idilər. Münsiflər heyəti müsabiqənin qaliblərini müəyyən edərək, Bakı şəhəri Ali-Mələk Mikayıl kilsəsinin xor regenti Kristina Əfəndiyevanı ΙΙΙ dərəcəli laureat adına layiq gördülər.

Mayın 18-də Moskva Sinodal Xorunun bədii rəhbəri və baş dirijoru Aleksey Aleksandroviç Puzakov tərəfindən müsabiqə iştirakçıları üçün ustad dərsi keçirilib.

Mayın 19-da, müqəddəs Mürr-Daşıyan Zənənlər həftəsində, müsabiqənin laureatları Solntsevo müqəddəs Radonejli Sergiy kilsəsində keçirilən İlahi Liturgiya zamanı növbə ilə məşhur "Artos" xoruna regent kimi rəhbərlik ediblər. İbadətin sonunda müsabiqənin qaliblərinə mükafatlar təqdim olunub.