Stavropol zəvvarları Azərbaycanın xristian ziyarətgahları ilə tanış olublar

Oktyabrın 6-dan 10-dək Stavropol yeparxiyasının zəvvarlar qrupu Azərbaycanda səfərdə olub. Zəvvarlar Azərbaycan paytaxtının pravoslav kilsələrində - Müqəddəs Mürr-Daşıyan Zənənlər kafedral kilsəsində, Allahın Əqdəs Validəsinin Mövludu kilsəsində, Ali-Mələk Mikayıl kilsəsində oldular, Sumqayıt şəhərinin Müqəddəs Sarovlu Serafim kilsəsində dua etdilər. Udilərin kompakt şəkildə yaşadığı Qəbələ rayonunun Nic kəndində qonaqlar müq. Elişa (“Cotari”) və Allahın Əqdəs Validəsi (“Bulun”) qədim kilsələri gördülər, Alban-Udi xristian icmasının həyatı ilə tanış oldular. 
Azərbaycanın qədim xristian irsi ilə tanışlıq çərçivəsində stavropollular Şəki rayonunun Kiş kəndində Həvari Taddayın şagirdi,  qədim Qafqaz Albaniyası torpağına xristianlığın ilk toxumları gətirən müqəddəs Elişanın vəz etdiyi yerdə tikilmiş kilsə-muzeyində oldular. Zəvvarlar həmçinin Qax rayonunun Qum kəndində V-VI əsrlərə - Qafqaz Albaniyasında xristianlığın çiçəkləndiyi dövrə aid qədim xristian bazilikasını da ziyarət etdilər. 
Stavropol sakinləri Qax şəhəri müq. Georgiy gürcü pravoslav kilsəsini və  müq. Georgiy (Kürmüx) kilsəsini də ziyarət etdilər. 
Zəvvar səfəri Bakı Yeparxiyasının Zəvvarlıq şöbəsi və Stavropol Yeparxiyasının “Xaç şəhəri” zəvvarlıq xidməti tərəfindən təşkil olunub.