Azərbaycanın pravoslav xristianları Milad bayramını ediblər

Bu müqəddəs günlərdə Azərbaycanın pravoslav xristianları dünyaya gələn Xilaskar Məsihi vəsf edirlər. Bakı, Gəncə, Sumqayıt, Lənkəran və Xaçmas kilsələrində bayram ibadətləri keçirilib. Müqəddəs Mürr-Daşıyan Zənənlər kafedral kilsəsində təntənəli Milad ibadətinə, kafedral kilsəsi ruhanilərinin müşayiəti ilə Bakı və Azərbaycan yepiskopu Aleksiy başçılıq edib. Liturgiya İncil və Milad ilahiləri kilsə-slavyan və azərbaycan dillərində oxunuldu.

Azərbaycan Respublikasının Prezidenti İlham Əliyev, Qafqaz Müsəlmanları İdarəsinin sədri Şeyxülislam A.Paşazadə və başqaları Azərbaycanın pravoslav icmasına təbrik məktubları göndəriblər. Kilsələrdə keçirilən ibadətlər zamanı Moskva və Bütün Rusiya Patriarxı Kirillin və Bakı və Azərbaycan yepiskopu Aleksinin Milad müraciətləri oxunub.