Müqəddəs Alov Azərbaycanın ən cənub kilsəsinə çatdırılıb

Aprelin 27-də Həvari Tomanın Rəbb günündə Bakı və Azərbaycan yepiskopu Aleksinin xeyir-duası ilə Lənkəran şəhərindəki Allahın Əqdəs Validəsinin Dua Örpəyi kilsəsinə Müqəddəs Alov gətirildi. Bakı yeparxiyasının ən cənub kilsəsinə qüdsiyyəti yeparxiyanın xeyriyyəçilik və sosial xidmət üzrə şöbəsinin rəhbəri protoiyerey Mefodiy Əfəndiyev çatdırıb. İlahi Liturgiya başlamazdan əvvəl imanlılara Müqəddəs Alovdan yandırılan şamlar verildi.

İbadətin sonunda kilsənin baş keşişi protoiyerey Aleksandr Astaşkin ibadətdə iştirak edənlərə pastır nəsihəti ilə müraciət etdi, daha sonra protoiyerey Mefodiy ilə birlikdə kilsənin aztəminatlı üzvlərinə xeyriyyəçilərin dəstəyi ilə Ali-Mələk Mikayıl kilsəsi tərəfindən hazırlanan ərzaq bağlamaları Pasxa hədiyyələri olaraq payladı.