Beynəlxalq Muğam Mərkəzində yeparxiya Milad yolkası keçirilib

Beynəlxalq Muğam Mərkəzinin zalında yeparxiyanın "Milad yolkası" bayramı keçirildi. Bayramın bədii tərtibatı və "Gənc oğlanlar və qızlar" yeparxiya teatrının "Milad ərəfəsi" tamaşasının quruluşu Allahın Əqdəs Validəsinin Mövludu kilsəsinin bazar günü məktəbinin müəllimi Larisa Kərimova tərəfindən həyata keçirilib.

Müqəddəs Mürr-Daşıyan Zənənlər kafedral kilsəsinin "Qanadlar" bazar günü məktəbinin şagirdləri "Məsihin Miladının İncil hadisələri" adlı kukla tamaşası ilə çıxış etdilər, həmçinin şeirlər və ilahilər oxudular. Tamaşalara müəllimlər Zemfira Zeynalova və Nelli İsrafilova rəhbərlik ediblər, tamaşa üçün kuklaları isə Tatyana Şahvəladova hazırladı. Ali-Mələk Mikayıl kilsəsinin bazar günü məktəbinin şagirdləri məktəbin müəllimi Kristina Əfəndiyevanın rəhbərliyi altında gözəl musiqili-ədəbi kompozisiya hazırladılar. "İstedad nədir?" adlı səhnə miniatürünü və nəğmələri Larisa Kərimovanın rəhbərlik etdiyi Allahın Əqdəs Validəsinin Mövludu kilsəsinin bazar günü məktəbinin şagirdləri tamaşaçılara təqdim etdilər. Elen Nağıyevanın rəqs qrupu da şənlikdə iştirak edib.

Bakı və Azərbaycan yepiskopu Aleksiy Muğam Mərkəzinin zalında toplaşanlara Məsihin Miladı münasibətilə təbriklərini çatdırdı. Yepiskop Aleksiy mübarək Milad günlərində tamaşaçılara bayram əhval-ruhiyyəsi bəxş etdiklərinə görə gənc artistlərə təşəkkürünü bildirdi.