Bakı Beynəlxalq Muğam Mərkəzində Milad konserti keçirilib

Bakı Beynəlxalq Muğam Mərkəzində ənənəvi olaraq Milad dövründə  Bakı Yeparxiyası tərəfindən təşkil edilən Milad konserti keçirilib.  Tamaşaçılar qarşısında Azərbaycanın əməkdar artisti Vaqif Məstanovun rəhbərliyi altında Müqəddəs Mürr-Daşıyan Zənənlər kafedral kilsəsinin,  Kseniya Belıxın rəhbərliyi altında Allahın Əqdəs Validəsinin Mövludu kilsəsinin, Birləşmiş Xor Hərəkatının əməkdar xadimi Kristina Əfəndiyevanın rəhbərliyi altında Ali-Mələk Mikayıl kilsəsinin  xor kollektivləri çıxış etdilər. Musiqili gecə proqramına Ü. Hacıbəyli adına Bakı Musiqi Akademiyasının, Azərbaycan Dövlət Mədəniyyət və İncəsənət Universitetinin, Bülbül adına Orta İxtisas Musiqi Məktəbinin, Azərbaycan Milli Konservatoriyasının İncəsənət Gimnaziyasının, 35 nömrəli Bakı Musiqi Məktəbinin, 5 nömrəli Bakı İncəsənət Məktəbinin və Sumqayıt şəhəri Azərbaycan Milli Konservatoriyasının Musiqi Kollecinin istedadlı gənc tələbələrinin ifasında musiqi nömrələri daxil edilmişdir.  Paytaxtın pravoslav kilsələrinin nəznində fəaliyyət göstərən bazar günü məktəblərinin tələbələri müxtəlif nömrələr ifa etdilər. Milad konsertinin proqramını və quruluşunu ssenari müəllifi və aparıcı Larisa Kərimova tərtib etmişdir. 
Konsertdə Rusiya Federasiyasının Azərbaycandakı səfiri M.N. Yevdokimov,  Belarus Respublikasının Azərbaycandakı səfiri D.L.Pineviç, diplomatik nümayəndəliklərin üzvləri, dini icmaların rəhbərləri və nümayəndələri,  ictimai və mədəniyyət xadimləri və Bakı kilsələrinin icma üzvləri iştirak etdilər. Bakı və Azərbaycan yepiskopu Aleksiy tədbir iştirakçılarına salamlama nitqi ilə müraciət etdi.