Sumqayıt şəhəri Müqəddəs Sarovlu Serafim kilsəsində taxt-tac bayramı qeyd olunub

Yanvarın 15-i Kilsə Sarovlu Müqəddəs Serafimin xatirəsini anır. Həmin gün Sumqayıt şəhəri Sarovlu Müqəddəs Serafim kilsəsi özünün taxt-tac bayramını qeyd etdi. İlahi Liturgiyaya Bakı və Azərbaycan yepiskopu Aleksiy başçılıq edib. Arxiyereyi Bakı Yeparxiyası İdarəsinin katibi, protoiyerey Dionisiy Sveçnikov, kilsənin baş keşişi, iyerey Rostislav Şahvələdov və protodiakon Vadim Tokarev müşayiət ediblər. İbadət ilahiləri Şalva Abasovun rəhbərliyi altında Bakı şəhəri Müqəddəs Mürr-Daşıyan Zənənlər kafedral kilsəsinin ifaçıları tərəfindən səsləndirildi. Yeparxiyanın zəvvarlıq üzrə şöbəsi tərəfindən Bakı kilsələrinin icma üzvləri üçün Sumqayıt şəhərinə səfər təşkil edildi.
Liturgiyanın sonunda yepiskop Aleksiy toplaşanların hamısına arxpastır nəsihəti ilə müraciət edərək qeyd etdi ki, Sarovlu Müqəddəs Serafimin  anma günündə Sumqayıtın pravoslav sakinləri ilə dua etmək fürsətindən məmnundur.