Xilaskar Məsih kafedral kilsəsində müxtəlif türk dillərində İlahi Liturgiya keçirilib

Moskva şəhərinin Xilaskar Məsih kafedral kilsəsinin Rəbbin Surətinin Dəyişilməsi kilsəsində müxtəlif türk və kilsə-slavyan dillərində İlahi Liturgiya keçirilib. Bu ibadətin keçirilməsi təşəbbüsü ilə  patriarx arrxidiakonu Konstantin Barqan çıxış etmişdir. İbadətə Salavat və Kamertau yepiskopu Nikolay başçılıq edib.Liturgiyada Rusiya, Azərbaycan və Qazaxıstandakı Rus Pravoslav Kilsəsinin müxtəlif yeparxiyalarından ruhanilər iştirak ediblər. Bakı Yeparxiyasını Bakı Yeparxiya İdarəsinin katibi protoiyerey Dionisiy Sveçnikov təmsil edib. Bakı və Azərbaycan yepiskopu Aleksiy Liturgiya zamanı qurbangahda dua edib. 

Dualar azərbaycan, qaqauz, başqırd, tatar, qazax, çuvaş, qədim türk və digər türk dillərində oxundu. Azərbaycan dilində yalvarış yekteniyası və  "Atamız" duaları səsləndi. İbadət ilahiləri Xilaskar Məsih kafedral kilsəsinin Rəbbin Surətinin Dəyişilməsi kilsəsi xorları, Moskva  Seminariyası və Moskvanın Tatar Pravoslav İcması tərəfindən ifa edildi. Kilsədə pravoslav azərbaycanlılar və XXXIV Beynəlxalq Milad Təhsil Oxumalarında iştirak etmək üçün Moskvaya gələn Bakı Yeparxiyası nümayəndə heyətinin üzvləri dua ediblər.