Bakının kafedral kilsəsində taxt-tac bayramı keçirilib

Pasxadan sonrakı üçüncü Rəbb günündə Kilsə Müqəddəs Mürr-Daşıyan Zənənlərin xatirəsini yad edir. Mürr-Daşıyan Zənənlər Xilaskarın məzarına ilk gələnlər olaraq Məsihin Dirilməsi müjdəsini eşidən ilk şahidlər olmuşlar. Kilsə taxt-tacı bayramı münasibətilə Bakı şəhəri Müqəddəs Mürr-Daşıyan Zənənlər kafedral kilsəsində təntənəli ibadətlər keçirildi.

Bakı yeparxiyasının baş kilsəsi 1909-cu ildə memar F. M. Verjbitskinin hərbi kilsələr üçün hazırladığı tipik layihə əsasında, həmin dövrdə Bakıda yerləşdirilmiş 262-ci Salyan piyada alayının ehtiyacları üçün inşa edilmişdir. Sovet dövründə kilsə ilk bağlananlardan biri olmuş və 1920-ci ildə fəaliyyətini dayandırmışdır. 1991-ci ildə kilsə Rus Pravoslav Kilsəsinə qaytarılmış, bərpa olunmuş və 2001-ci ildə Moskva və bütün Rusiyanın Patriarxı II Aleksiy tərəfindən təqdis edilmişdir. Kilsəyə Bakı yeparxiyasının kafedral kilsəsi statusu verilmişdir.

Kilsənin taxt-tac bayramı günündə keçirilən bayram ibadətinə Bakı və Azərbaycan yepiskopu Aleksiy başçılıq etmişdir. İlahi Liturgiya zamanı arxiyereyi Bakı şəhəri kilsələrinin baş keşişləri və kafedralın ruhaniləri müşayiət etmişdir. İbadətin başlanmasından əvvəl yepiskop Aleksiy Pavel Məhərrəmovu oxucu xidmətinə təyin etdi.

Liturgiyadan sonra kilsə ətrafında xaç duni yürüşü keçirilmiş, yürüşün sonunda yepiskop Aleksiy toplaşanlara arxipastır nəsihəti ilə müraciət etmişdir. İbadətdə iştirak edənlər üçün kilsənin həyətində bayram süfrəsi təşkil olunmuşdur.