Kafedral kilsəsinin bazar günü məktəbinin şagirdləri İvanovka kəndindəki Müqəddəs Həvari və Müjdəçi Yəhya prixodunu ziyarət ediblər

Bakı şəhəri Müqəddəs Mürr-Daşıyan Zənənlər kafedral kilsəsinin uşaq bazar günü məktəbinin şagirdləri müəllimləri və valideynləri ilə birlikdə İvanovka kəndindəki Müqəddəs Həvari və Müjdəçi Yəhya prixodunu ziyarət ediblər.

Uşaqlar bazar günü İlahi Liturgiyasında iştirak edib, daha sonra İvanovka prixoduna ruhani xidmət göstərən protoiyerey Konstantin Pominovla ünsiyyət qurublar.

Səfər çərçivəsində bazar günü məktəbinin şagirdləri üçün diyarşünaslıq muzeyinə və rəssam Boris Şetinkinin qalereyasına ekskursiyalar təşkil olunub. Uşaqlar, həmçinin, balçılıq təsərrüfatına baş çəkərək arıçıların işi və balın necə əldə olunması ilə yaxından tanış olublar.

Səfər Bakı Yeparxiyasının Zəvvarlıq şöbəsi tərəfindən təşkil edilib.