Yepiskop Aleksiy azərbaycanlı rəssam Boris Şetinkinin emalatxanasını ziyarət edib

Bakı və Azərbaycan yeparxiyasının yepiskopu Aleksiy azərbaycanlı rəssam Boris Şetinkinin emalatxanasını ziyarət edib. Təhsilinə görə mühəndis-mexanik, peşəsinə görə isə idarəçi və biznes-təlimçi olan Boris Şetinkin 61 yaşında fırçanı əlinə alaraq rəssamlıqla məşğul olmağa başlayıb. Xüsusi rəssamlıq təhsilinin olmaması uşaqlıqdan böyük maraq göstərdiyi təsviri sənətlə məşğul olmasına mane olmayıb. Hazırda o, 200-dən çox əsərin müəllifidir. Bu əsərlərin bir hissəsi onun doğma İvanovka kəndində yerləşən emalatxanasının qalereyasında nümayiş etdirilir. Rəssam Həvari və Müjdəçi Müqəddəs Yəhya prixodunda keçirilən ibadətdə iştirak etmək üçün İvanovkaya gəlmiş yepiskop Aleksini və zəvvarları öz emalatxanasındakı ekspozisiya ilə tanış olmağa dəvət edib. Dəvəti məmnuniyyətlə qəbul edən qonaqlar rəssamın əsərlərinə baxmaq, həmçinin onun yaradıcılıq yolu haqqında maraqlı söhbətini dinləmək imkanı əldə ediblər.