Bakı şəhərin Müqəddəs Mürr-daşıyan Zənənlər baş kilsəsi
Məbəd 1909-cu ildə 206-cı piyada Səlyan alayının kilsəsi kimi inşa edilmişdir. İlkin olaraq ona Arxangel Mixail adı verilmişdir.
Sövet dövründə kilsə ilk bağlanan kilsələrdən biri olmuşdur – 1920-ci ildə. Bina qeyri-təyinatı üzrə istifadə olunurdu. 1991-ci ildə kilsənin yarıdağılmış binası Rus Pravoslav Kilsəsinə verilmişdir.
Kilsədə bərpa işlərini həyata keçirmək imkanı Bakıda arxiyerey kafedrası təsis olunduğu vaxtdan yarandı. Bakı və Xəzəryanı yepiskop Aleksandrın (İşein, 1952-2021) hamiliyi və qayğısı ilə təmir-bərpa işləri aparılmış və kilsə müqəddəsləşdirmə mərasiminə hazır olmuşdur. Həmin vaxt Bakıda artıq Arxangel Mixail adına fəaliyyət göstərən kilsə olduğuna görə bərpa olunmuş kilsəyə Mirra daşıyan müqəddəs qadınların adını vermək qərarına gəlinmişdir. Azərbaycana baş keşiş kimi ilk səfəri zamanı Moskva və bütün Rusiyanın patriarxı II Aleksiy 2001-ci il may ayının 27-də kilsənin müqəddəsləşdirilməsi ayinini keçirmiş və ona yeparxiyanın kafedral kilsəsi adını vermişdir.
Kafedral kilsə ikinci həyatını Azərbaycanlı xeyriyyəçi və sahibkar Aydın Səməd oğlu Qurbanovun (1953-2003) diqqəti və dəstəyi sayəsində qazanmışdır. Bu qeyri-adi insanın vəsaiti hesabına kafedral kilsədə kompleks təmir-bərpa işləri aparılmışdır: daşdan oyma ikonostas inşa edilmiş, divarlar naxışlarla bəzədilmiş, zəruri kilsə inventarı alınmışdır.
Təmir-bərpa işlərindən sonra 24 mart 2003-cü ildə yenilənmiş məbədin açılışı baş tutmuşdur. Təntənəli tədbirdə Azərbaycan Respublikasının prezidenti Heydər Əliyev, Qafaz müsəlmanları idarəsinin sədri Şeyxülislam Allahşükür Paşazadə və digər yüksək rütbəli qonaqlar iştirak etmişdir.
2003-cü ilin aprel ayında kafedral kilsəni Müqəddəs Patriarx Konstantinopolskiy I Varfolomey ziyarət etmiş, özünün səmavi hamisi apostol Varfolomeyin cəsədinin bir hissəciyini Azərbaycanın pravoslav xristianlarına hədiyyə etmişdir.
2005-ci ilin iyun ayında kilsəni Gürcüstanın müqəddəs Patriarx-Katolikosu II İliya ziyarət etmişdir.
2005-ci ilin sentybar ayında kafedral kilsəni yenidən Moskva və bütün Rusiyanın patriarxı I Aleksiy ziyarət etmişdir. Rus Pravoslav Kilsəsinin Baş keşişi kafedral kilsənin yanındakı bulaqüstü kiçik kilsəni müqəddəsləşdirmişdir.
2009 və 2010-cu illərdə Moskva və bütün Rusiyanın müqəddəs patriarxı Kiril kafedral kilsəni ziyarət etmiş və orada ibadət etmişdir.
2019-2020-ci illərdə Azərbaycan Respublikasının prezidenti İlham Əliyevin təşəbbüsü ilə kilsədə bərpa işləri aparılmış və prixod evi inşa edilmişdir. 14 noyabr 2019-cu il tarixdə Moskva və bütün Rusiyanın müqəddəs patriarxı Kiril kilsəni ziyarət etmiş və kilsənin kiçik müqəddəsləşdirməsi mərasimini keçirmişdir.
Kilsədə apostol Varfolomeyin cəsədinin hissəciyi ilə mücrü və Tixvinli Müqəddəs Məryəmin qədimi ecazkar ikonası var.
Baş keşiş: protoiyerey Dionisiy Sveçnikov
İbadətlər hər gün (bazar ertəsindən başqa) səhər və axşam keçirilir
Müqəddəs Məryəmin Mövludu kilsəsi 1896-cı ildə xeyriyyə vəsaitləri hesabına inşa edilmiş və ilkin olaraq Stanislavski (Azadlıq pr.) və Balaxanı (Füzuli) küçələrinin kəsişməsində yerləşmişdir. Kilsə
Şəhərin indiyə qədər qorunub saxlanmış ən qədim kilsəsidir, 1845-ci ildə inşa edilib. Yarandığı gündən kilsə səyyar hərbi kilsələrə aid olmuş, Xəzər donanmasının sərəncamında olmuş və buna görə də “donanma kilsəsi”
Bu kilsə haqqında məlumat çox azdır. Yalnız məlumdur ki, o, 1887-ci ildə həm yerli pravoslav, həm də müsəlmanların xeyriyyə vasitələri üçün qədim qəbristanlığın yerində tikilib. 1916-ci ilin məlumatlarına əsasən, Gəncə
Bakı Beynəlxalq Multikulturalizm Mərkəzində “Azərbaycanda xristianlıq: tarix, müasir dövr, perspektivlər” mövzusunda dəyirmi masa keçirilib. Xristianlıq Azərbaycanda qədim tarixə malikdir. İndiki Azərbaycan ...
Stavropol Yeparxiya İdarəsində Stavropol və Nevinnomıssk mitropoliti Kirill və Stavropolda rəsmi səfərdə olan Bakı və Azərbaycan yepiskopu Aleksiy arasında görüş keçirilib. Arxipastırlar bir-birini salamlayıb və yeparxiyalararası ...
2025-ci il mayın 4-də, Pasxa dövrünün 3-cü Rəbb günü, Moskva və Bütün Rusiyanın Patriarxı Kirill Müqəddəsləri Bakı şəhəri Müqəddəs Mürr-Daşıyan Zənənlər kafedral kilsəsində İlahi Liturgiyanı ...
3588
20.12.2021
